خبر زوين بزاف سمعتو دابا انعاود ليكم باش تفهمو دابا تقريبا شي 4 ايام اتصل بيا واحد المعلم من دوار اولاد سعادة في سيدي قاسم وقال لي بلي التلاميد ديالو كيعانيو من واحد الموشكيل لي هو الطريق كلها عامرا بالغايس وكيتكرفصو مزيان . قلت ليه انا عندي حل واحد باش نساعدك هو انك تسجل مع دوك التلاميد فيديو كيحكيو فيه على المعانات ديالهم في الطريق و الغايس و التكرفيص
المعلم تبارك الله عليه ماكانش من العاڭزين في ضرف 24 ساعة سجل الفيديو ورسلو لييا هنا كان الدور ديالي انشرتو في صفحة مغاربة ونفتخر ورسلتو لكل الصفحات الصديقة لي كيبغيو يفضحو الفساد في البلاد و المفسدين و كدالك عطيتو لواحد الصحفي صديق في هيسبريس ونشرو في ضرف 24 ساعة الفيدي يمكن وصل لاكتر من 30.000 مشاهدة الموشكيل هو ان هاد الموشكيل لي كيعانيو منو في هاد الدوار على حساب ما قال ليا الاستاد هو انهم كيراسلو القايد و الباشا وڭاع دوك المسؤوليين باش يلقاو ليهم حل وحتى واحد ماتسوق ليهم تقريبا دابا شي 3 أشهر ولكن من بعد نشر الفيديو ناضت فيهم الحراقية و الخلعة وبداو كيطلبو باش الفيديو يتمسح ... الموهيم هاد الصباح اتصل بيا الاستاد وقال بلي راه جابو الطراكس وراه كيصلحو دابا في الطريق الناس ديال الدوار فرحانين التلاميد فرحانين حينت غادي تحبس ليهم المعانات ديالهم مع الطريق وكيشكرو ڭاع الشباب ديال الفيسبوك و اي واحد ساهم في نشر الفيديو وكيشكرو اي واحد ساهم باش صوتهم يوصل انا بعدا حسيت براسي حققت شي انجاز كبير هههه ماضحكوش عليا ولكن جميل جدا ان تدخل الفرحة في قلوب الناس
المصدر : صفحة مغاربة ونفتخر
aitdaoud1
- قبل السؤال و الطلب استخدم خاصية البحث في الموقع من هنا. - اجتنب الكتابة بلغة غير مفهومة، إذا أردت الكتابة باللغة العربية من هنا. - مشاركة واحدة مفيدة خير من 100 رد بلا معنى. - إن أفدت عضوا ، لعله غدا هو من يفيدك - لا تنس الصلاة في وقتها المفروضة
موضوع: فيديو لمعانات تلاميد دوار اولاد سعادة سيدي قاسم 
الجمعة مارس 22, 2013 3:37 pm
دابا تقريبا شي 4 ايام اتصل بيا واحد المعلم من دوار اولاد سعادة في سيدي قاسم 
