زوجي لا يقدر تعبي في شغل البيت وترتيبه

18/05/2010

مالي بالمقدمات زوجي طيب وحبو وكريم
لاكن فيه خصله انه يحب يهلكني بشغل البيت
يعني مثلا اذا اكل بسكويت رمى بالكيس حقها بالارض اذا يبي شي يحوس الدنيا ولايرجع كل شي مكانه
وكذا مره اذا تزعلنا يروح يخرب الملابس كلها ويطلع وانا اجلس يومين ارتب فيها
امس قلت بنظف الغرفه وكل شي رتبته حتى السرير اسحبه من مكانه علشان اكنس تحته تعبت امس مره
وفيه شنطتين كبيره حطيتها بدولاب حقه لان مافيه مكان المستودع مليان
راح حضرته ورمها بالارض ويقول حطيها بالمستودع اقوله مافيه مكان يقول مالي شغل وكنت جالسه ارتب غسيل جاء وشات كل الملابس الي رتبتها قسم بالله ميته من القهر وبكره بنسافر تركيا تمشيه
ماني عارفه وش اسوي هو خرج بعد محاس الدنيا فوق راسي وانا تعبت يعني ليه مايحترمني ويعرف اني مو خدامه عنده كل شي انا اسويه حتى لو يضيع شي لازم انا الي ادوره تعبت وربي تعبت احس راسي بينفجر ماني عارفه وش اسوي خصوصا بكره سفرنا بعد طلبة ثلاث سنوات
وش اسوي اترك الغرفه على ماهي عليه ولا ارتبها تكفووون عطوني حل وربي بموت من القهر قبل يجي من برى
نسيت اقولكم ان عندي ولدين صغار واحد سنتين ونص والثاني سنه وانا اتعب معهم وهو ولا يساعدني بشي معهم كل شي انا اسويه هو بس يبوسهم فقط لاغير حتى اذا تضاربو يناديني من اخر الدنيا علشان ابعدهم وهو جنبهم مايحرك نفسه الحين انا قفلت جوالي لاني اعرف انه بيتصل يسال عن العيال

aitdaoud1

- قبل السؤال و الطلب استخدم خاصية البحث في الموقع من هنا.
- اجتنب الكتابة بلغة غير مفهومة، إذا أردت الكتابة باللغة العربية من هنا.
- مشاركة واحدة مفيدة خير من 100 رد بلا معنى.
- إن أفدت عضوا ، لعله غدا هو من يفيدك
- لا تنس الصلاة في وقتها المفروضة